Асеннім прызывам

Актуальное

на тэрміновую службу ва Узброеныя Сілы Рэспублікі Беларусь пойдуць  35 нашых землякоў. З гэтай нагоды 13 лістапада ў райцэнтры прайшоў Дзень прызыўніка. Павесткі ў юнакоў ужо на руках, да 26 лістапада яны адбудуць  да месцаў службы.voenkomat
Будучым салдатам далі наказы прадстаўнік райвыканкама Н.А. Ляшковіч і ваенны камісар Гарадоцкага раёна падпалкоўнік Д.В. Багумірскі. Служба ў арміі -пачэсная, важная і адказная місія. Яшчэ бязвусыя, крыху гарэзлівыя хлопцы, прайшоўшы курс маладога байца, а затым і службу на працягу 18 месяцаў (адзін — 12, паколькі мае вышэйшую адукацыю, двое — у рэзерве), стануць мужнымі, дысцыплінаванымі і набудуць якасці сапраўдных абаронцаў. У армію ідуць лепшыя — па стану здароўя, маральна-дзелавых якасцях, тыя, хто не мелі сутычак з законам, шкодных звычак, найлепшым чынам характарызуюцца па месцы вучобы ці работы. Красамоўны факт, што шасцёра з цяперашніх прызыўнікоў уліюцца ў рады знакамітай 103-й мабільнай брыгады ў Віцебску.
Дарэчы прыйшлася экскурсія па выставе «Баявы лісток», экспанатамі якой з’яўляюцца насценгазеты партызанскіх атрадаў, лістоўкі, што распаўсюджваліся на акупіраваных тэрыторыях, друкаваныя выданні ваеннага часу.
Саша СЯМЁНАВА.     Фота Вікторыі ЛЯДНОВІЧ.



Добавить комментарий

Ваш e-mail не будет опубликован. Обязательные поля помечены *